Petra eo ur podkast, da gentan?

Ur seurt abadenn radio pemdeziek pe sizuniek, nemet ne vez ket skignet ouzh ar radio

met dre an internet. Penaos e vez skignet war ar rouedad?

Ret eo kavout ul lec'hienn degemer boutin, ul lec'hienn internet kwa.

Goude se ret eo bezan sur e chomo al lec'hienn se en linenn nozh-deizh.

Ur blog graet war Blogger.com pe Nireblog.com a zo awalc'h, met bez ez eus

lec'hiennou ispisializet war se e-giz Talkshoe.com. Paeet vi ouzhpenn ma rit war an hini

ziwezhan. Pas kalz met n'eo ket ur micher. Warlerc'h dav vo deoc'h ober un tamm bruderezh.

Ma rit ho podkast e brezhoneg, kasit ho chomlec'h podkast d'al lec'hiennou brudetan

ez eus en hor yezh ha d'ar re darempredetan eus lec'hiennou Breizh e brezhoneg pe

e galleg, pe an daou, ha m'o peus c'hoant d'al lec'hiennou a denn eus an tem a vo graet

war e dro en ho podkast.

Tu vo deoc'h ma lakit ho podkast war Blogger, koumanantin evit netra evit kaout statistikou

diwarbenn an niver a dud a ya warnan war Google analytics, hervez ho pro, ho ker, ho urziater,

ho meziant navigin hag all. Moien vo deoc'h ivez degemer bruderezh digant Google a zegaso

deoc'h un nebeut gwenneien ma teu tud e leizh war ho lec'hienn. Moien zo ivez eskemm

chomlec'hiou gant lec'hiennou a anavezit evit degas bizitourien nevez d'ho hini.

Petra zeus ezhomm evit hen ober?

Da gentan, kaout ur mennozh, ur sujed.

Arabat klask pemp troad d'ar maout. Sonjit er pezh a zlefe dedennan den man den kavout e

brezhoneg war ar web, da bellgargan war ho urziater.

Aman eo an difoc'h pouezusan gant ar radio. An dud a c'hello kopian an enroladenn ba ho ti

hag ober gantan kan alies hag e plijo dezho.

Setu perak e vez ret paean a wechou, ma talv ar boan an titourou a zo skignet.

Evit se e vo ret deoc'h krouin ur fichennaoueg mp3 peurliesan, pe mp4 evit an iPod ha bed ar

Macintosh pe urziateriou windows gant Quicktime inside.

An diforc'h etre an daou stum se a zo ar skeudennou hag ar stumman diabarzh.

Un mp3 a zo nemet ho mouezh hag ur sonerezh ma zeus tu deoc'h meskan an daou asambles.

Un mp4 e deus chapitrou pe pennadou m'o peus c'hoant. Tu zo lodennin ho enrolladenn hervez

an traou a vo kontet ganeoc'h, ha tu vo deoc'h ouzhpennan skeudennou a denno eus sujedou

ar pennadou pe a ziskrivo fraezoc'h ar pezh a larit. Moien vo deoc'h memes stagan

ur chomlec'h internet lec'h an dud a yelo da welout traou ouzhpenn pe resisoc'h m'o deus

c'hoant pe ezhomm d'hen ober.

Ma ne fazian ket n'eus nemet ar meziant iTunes a zo gouest da lenn podkastou mp4.

Met implijet e vez gant 90 % eus ar binviji liesmedia hezoug ha 70 % eus an urziaterien a garg

podkastou war ar web.

Ma fodkast din me a vez skignet war talkshoe.com ha kaouenn.net nemet en mp3 peogwir al

lec'hiennou se ne zegemeront ket ar fichennaouegou mp4.

Koulskoude meus ouzhpennet skeudennou war reou zo hag en sonj emaon da lakaat anezho

war ma blog chwezetablog-rezkebil.blogspot.com.

Gall a rit ober fichennaouegou mp4 war ur Mac gant podcastmaker a zo shareware, pe gant

Garageband a zo roet gant urziateriou Apple nevez. Ar meziantou se a zo simpl tre da implij.

N'eus ket kalz a podkastou e brezhoneg c'hoazh neuze bec'h dezhi paotred ha merc'hed.

Arabat gortoz e rafe Frans bleu Breizh izel tou ar pezh peus c'hoant da gavout e brezhoneg

war ar rouedad. Kenavo ha d'ar wech all.

Tags: podcast
Current Location: Tregunc

Evit pempvet niverenn ma fodkast «Keleier ar gwiad» em eus prientet deoc'h ur valeadenn bihen war planedenn ar blogou e brezhoneg.

Ai'ta Bro Naoned a teu gant ur blog a lak ar gaoz war an anviou lec'h. Skrivet vez ivez pevare vo manifestadegou ganto.

Blog Divskouarn a zo brav da welet gant e liv mouk ha gwenn e galleg ha ruz ha gwenn e brezhoneg. Kavet vez eno titourou diwar benn ar micheriou a ra war dro ar vugale, an etat sivil divyezhek, pladennou rimadellou ha kanaouennou e brezhoneg evit luskellaat ho pabigou ouzh mouezh flour Mona Jaouen pe Yann Fanch Kemener hag all. Moien zo sinan a enep diviz ar C'haf er Morbihan pe e bro Roazhon.

Kavet meus un tamm brezhoneg ivez war «ingivaldur.blog.lemonde.fr» digant ur paotr a zo laouen gant troidigezh Skype en hor yezh.

Bez ez eus, ret eo el lavarout, blog ar blogou a zastum meur a hini (kement ne meus bet kalon awalc'h evit bizitan tout, war http://blogsbretons.canalblog.com/. Blog ar Falz a zastum titourou diwarbenn stumaduriou zo, politikerezh pe pedagogiezh, ret eo memestra.

Ar Falz en deus ivez e lec'hienn keleier a ginnig levriou Skol vreizh enlinenn hag ar c'heleier politikel ivez.

Blog «Da skouer» a zo graet gant tud yaouank eus ar pempvet klas e skol Itron Varia. Skrivet e vez eno un tammig mod ar grenardet. Chichant eo neuze. Kit da welet war «da-skouer.nireblog.com».

rezore.blogspirit.com zo ar blog brasan a anavezan gant brezhoneg eno. Kalz a draou zo barzh adalek ar politikerezh betek ar web pe ar sevenadur met ma blog me hag a zo tout e brezhoneg n'eo ket bet meneget ha koulskoude m'oa kaset dezhan ur bedadenn. Ne ket strikt. Graet vo a benn nebeut. Marteze e kortoz en da c'houzout meus bet ouzhpenn seizh kant bizitadennou araok komz deus ouzhin. Piv oar?

Blog Inosantig a zo graet ivez war Nireblog.com a ginnig deoc'h sevel ho plog gant un etrefas e brezhoneg penn da benn: http://inosantig.nireblog.com/ . Ha pebezh souezhadenn meus bet o lenn ar pennad embannet gantan. Komz a re eus ma fodkast. Biskoazh c'hoazh. Kroget eo ar gumuniezh da vat. Ha traou jentil ouzhpenn. Ya, goulenn a ran deoc'h rein ho sonj met arabat kredin on mazo memestra. Neuze, Inosantig a c'houlenne din nemet kaout ar skrid e kenver ar son. N'eo ket posubl war Talkshoe.com met laket meus ar re se war ma blog tal ouzh tal ouzh ul lenner e vez posubl selaou ma fodkastou gantan. Ma z'out dedennet ivez kit war chxezetablog-rezkebil.blogspot.com. A du on c'hoazh pa skriv «brav oa gouzout diouzh trouzioù an anevaled war ar maez ha boazioù ha kustumoù gwechall gozh; en deiz hiziv e weler hag e klever, e KLEWELER eta, trouzioù nevez ar bed arnevez.» Ober a ran ar podkast man dres evit se. N'eus lentegezh ebet da gaout araok mont war sujedou modern, n'eus ket met bezan hon unan.
 
Skol veur ar bobl en em skign ivez war nireblog.com, gant tiretou etre ar geriou. Laket vez kelou pe titourou pe c'hoazh pedadennou evit stajou zo.

Paotr ar foto en deus laket war e blog testenn Bro gozh ma zadou e brezhoneg evel just, dav vo dezhan trein traou all. Sur awalc'h ez eus fotografourien o kompren ar brezhoneg. Ma n'ho peus ket an testenn kit war: http://ptitdavetjul.aliceblogs.fr/ .

Setu tout evit hziv leuskel a ran ac'hanoc'h kambreal e touez ar blogou. Meur a hini all e kavi a dra sur er mod se. Kenavo, trugarez ha d'ar wech all.

----------------
Now playing: Radio France - Hentou Treuz 13.10.2007
via FoxyTunes    

Tags: blog
Current Location: Tregunc

  E touez widjeto Netvibes on kouezet war ur berlezenn gwirion. Gwelloc'h

 c'hoazh   eget voo2do m'oa komzet diwar e benn n'eus ket pell zo. Gant ar

 meziant en   linenn-ma ho po tro da groui raktreso a stummo ho labour. Moien

 vo deoc'h   liamma tud ho skipailh d'ar raktres se en ur enrolla ho anv, rakanv,

 mel ha live   (merour, rener, implijiad, sikour e-maez d'ho strollad. Tu vo deoc'h

 ivez dastum tout   ar fichennaouego o c'hortoz a bep tu d'ho urzhiataer evit

 beza urzhiet en un   doare efedus hag a denn eus ar raktres. N'eo ket tout

 avat. Peogwir o peus meur a   raktres tu vo deoc'h gouzout pegeit e pado ho

 labour war raktres - ma raktres gant   ur c'hrono. Enrollet vo an amzer se e-giz

 po c'hoant, dre raktres pe dre an trao   d'ober e-barzh ho raktreso. Moien zeus

 ivez d'enrolla an dud a zo pouezus evit   ar raktres er maez eus ho skipailh,

 embregerezhio, arbennigourien, advokaded   hag all. A benn ar fin ho po tro

 ivez da zerc'hel sonj eus ho tispignio, da brienti   fakturenno ha moulla anezhe

 atav e-barzh "dashbord" ho raktres, da laret eo ho   taolenn bourzh.  Komzet

 meus deoc'h eus Netvibes er penn kenta. War   www.netvibes.com e kavi

 anezha. Ret eo koumananti, met digoust eo. Petra eo?  Ar pouezhusa eo e

 gwirionezh. Un doare da groui ur burev en linenn gant ar   pezh a zo pouzhus

 evidoc'h ha ket gant ar memes hini eget forzh piv. Penaos e vez   graet an

 trao? Gant programmo bihan a gemer nemet un navedenn eus ar   skramm en

 un derc'hel nemet ar pep pouezhusa eus an titouro. Peurliesa e vi   henchet pa

 vo pouezhus kaout muioc'h a blas, petek lec'hienn a orin ar meziant pe   ur

 bajenn vraz ispisial. Ar programmo bihan se a vezont anvet widjeto. Tu zo da

   gaout kantado anezho skrivet e javaskript pe php, pe ajax, a gerzh founus tre.

   Google en deus e re war pajenn dastum iGoogle, Apple ivez war e dachbord

  urzhiataer. E-touez an trao pouezhusa eus ar pezh a vez anvet ar web 2.0 int.

 Setu tout evit hiziv. Kenavo ar wech all.

----------------
Now playing: Radio France - Hentou Treuz 13.10.2007
via FoxyTunes   

Tags: creative pro office
Current Location: Tregon

Evit  an eil niverenn eus ma fodkast em eus choazet da gontañ deoc'h an traoù a vez kinniget deoc'h

 gant Google.

Google a zo anvet giz an enklasker efedusañ ez eus. Ouzhpennet eo bet iz-lec'hiennoù ispisializet memes

 evit sikour ac'hanoc'h da gavout blogoù, skeudennoù, levrioù en linenn, skolioù, emsavadurioù lec'hel hag

 all.Ur bochad meziantoù enlinenn ez eus moien da implijout evit netra e-touez ar meziantoù en ho stumm

 kentañ peurliesañ, da larout eo beta.

Ret eo deoc'h evit kregiñ sinañ evit ur gont google mail. An alc'hwezh eo evit ar peurrest. N'eo ket ret ken da

 vezañ pedet gant un den all.

Goude po tro d'implij hoc'h unan pe a stroll, e-gizh em eus el laret deoc'h ar wech paset, Documents

 and spreadsheets a dalv evit traitement de texte ha tableur e galleg.

Klevet peus komz marteze eus Google maps a zo un doare marzus da welout hor voul douar eus pell pe a

 dost en ur ouzhpennañ titouroù liesseurt:

plan ker-mañ ger;
e pelec'h ez eus eus gorilhed e bro Tanzanie;

e pelec'h ez eusur brezel;

eus peseurt lec'hioù Shakespeare neus komzet;

pelec'h ez eus pretier pe ostaliri;

piv ha eus pelec'h un bennak n'eus kaset ur foto d'e gont flickr hag all hag all.

War ur sujed tostig awalc'h c'hwi po c'hoant marteze mont da danvañ, ha marteze

goude da implijout 'sketchup' a roio tro deoc'h tennañ eus un dachenn rezis eus

skeudenn ur straed, stumm ar vatimant a vez gwelet du-se gant m'o po kemeret ur

foto eus tu araok ar savadur da gentañ. Ostilhou zo memestra e-barzh ar meziant evit tresañ an toen.

Ma peus c'hoant mont pelloc'h eget ar postel, d'an tu all, po tro d'implij google talk a zo ur meziant

 flappiñ tost da skype pe da iChat.

Pelloc'h vo tu deoc'h ivez, gant Orkut, sevel ur gumuniezh deoc'h

 war ar rouedad, en doare myspace en ur ziskouez ar perzhioù mat eus ho fersonelezh evit mont en

 darempred gant reoù all.

Tout ar meziantoù se a labour mat awalc'h asambles.

War zu ar skeudennoù po ivez ar meziant Picasa a servij da zastum ho fotoioù war ho urziater, met ivez da

 gas anezho dre postel pe war ho plog.

Ur meziant pouezus awalc'h all a zo « Agenda ». Un deiziater en linenn eo a c'hell emporzhiañ emgavioù ar

 meziantoù all ez eus war ar marc'had. Ar pezh a c'hell bezañ dedennus deoc'h ivez eo c'hwi a vo gouest

 amañ da lodenniñ ho hini gant piv a gari…

----------------
Now playing: Radio France - Hentou Treuz 20.10.2007
via FoxyTunes    

Tags: google
Current Location: T

Graet e vez Mark Perrot eus ouzhon,

C'haont meus da sevel ur podkast e brezhoneg,

Perak pas a lari emichans.

Hiziv meus lakaet em fenn kaozeal eus al labour a stroll.

Evit ma labour en ti kêr e klasken abaoe pellig awalac'h ur benveg evit liammañ

ar chomlec'hioù meus dastumet eus an dud a labouran ganto,

ha deus ar pezh a ran ganto, kas liziri, respont d'ar glemmoù,

kas teuliadoù da reoù all, hag all...

Kavet meus war ar rouedad ul lec'hienn liesseurt awalc'h

a zastum binviji evit hen ober: www.zoho.com.

Aze e kavoc'h evit netra peurliesañ, ur programm evit skrivañ,

unan all evit jediñ a zo par da reoù Microsoft hag a labour mat tre gant meziantoù

ramz an informatik. Pellgargat ho fichennaouegoù e c'helli ober eus Word hag Excel, hag ar c'hontrol ivez.

Met n'eo ket tout, bez ez eus ivez ar pezh a vez anvet e saozneg ur CRM,

da laret eo, e-gizh e-barzh an embregerezhioù,

ur meziant evit derc'hel sonj eus titouroù pouezhus ar pratikoù.

N'eo ket nemet ho chomlec'h met ivez, ar pezh zo bet gwerzet,

ar pezh zo bet paeet, ar kudennoù zo bet.

Moien zo ivez evit ar melestradurezh pe ag gevredigezhioù,

implij seurt traoù memes ma vez ret a-wechoù che'ch an titouroù a zo lakaet e-barzh.

Un all a roio tu deoc'h krouiñ hag heuliañ ho raktresoù ha kinnig da tud zo kemer perzh el labour-mañ.
Ar pezh zo pouezusoc'h c'hoazh eo c'hwi a c'hello krouiñ,

en ur meziant all eus al lec'hienn, un dastmad titouroù hervez ho toare.

Ar rumm se a meziantoù a zo klassel awalc'h c'hoazh, met bez ez eus daoù all

a gemer muioc'h spered ar wiad.

An hini kentañ a zo Highrise, war www.highrisehq.com.

Amañ an titouroù a chom war urziater Highrise.

Moien vo deoc'h kopiañ anezho eveljust.

Tu vo deoc'h kargañ chomlec'hiou ho skipailh, ho mignoned, ho pratikoù en linenn.

Bewech po ur mel pe un taol pellgomz eus ar re-se,

po tro da verkañ peseurt abeg a oa a orin eus an eskemm ha da skrivañ ez buan

ar pezh e vo ret deoc'h derc'hel evit an dazont.

Meur a zoare zo goude da adkavout ho titouroù dre rummadoù, dre abegoù,

dre an deiziater. Ar memestra a zo posubl evit an darvoudoù da zont.

Al lec'hienn diwezhañ meus kavet, hag a zo ma muiañ karet, eo www.voo2do.com.

Founus tre e labour ha dastum a ra an titouroù en un doare sklaer tre koulskoude er pezh a anveont « Dashbaord ».
Ur wech c'hoazh eo raktreso' a vez heuliet hag ar re a ra pled outo.

Moien zo ivez sellout ez buan an amzer tremenet evit pep raktres ha pep tra d'ober.

N'eus ket tu evit ar mare da pediñ war eeun tud da gemer perzh e-barzh al labour,

met rakjedet eo dija gant an aozerien.

Evit echuiñ eo ret menegiñ Google. Kinnig a ra ivez un doare Word hag un doare Excel enlinenn.

Moien zo pediñ tud da zont da wellout ho labour ha da che'ch anezhañ m'ho peus c'hoant ivez…

En tu all c'hwi a c'helli heuliañ dre google mail an eskemmoù ho po gant den-mañ-den,

er pezh a anveont divizoù. Ar pezh zo chalus un tamm eo n'eo ket founus tre,

na tout en un tamm, met kerz a ra mat kenan ivez.

Setu tout evit hiziv.  Emichañs e sikouro ac'hanoc'h ar pezh meus laret deoc'h. Kenavo ar wech all.

----------------
Now playing: Radio France - Hentou Treuz 20.10.2007
via FoxyTunes    

Tags: labour a stroll
Current Location: Tregon

Webnoz hag an TeVeou all

Salut tout an dud. Hiziv em eus lakaet em sonj da gozeal eus an abadennou «Webnoz» ha da skinweliou all e brezhoneg.
En ur podkast e brezhoneg e-giz ma hini, diwarbenn an urziataerez hag internet eo ret d'am mennozh kozeal un tamm eus ar chadenn web milvrudet hag en deus graet dek nozvezh dija.
Ur blijadur eo d'he sellout memes ma pad un tammig hir bewech. Ur spont eo gwellout n'eo ket gouest ar servij foran da sevel abadennou ken bev buhezek.
Kavet e vez ar webnoziou war lec'hienn brezhoweb, hini armortv hag hini surlaplace.tv.
Savet int en un doare magazin en ur lakaat unan goude eben mareou diviz, kanaouennou ha reportachou.
Dibabet eo bet gant Lionel BUANNIC, kazetennour meur an abadenn, chench lec'h bewech, sur awalac'h evit nompas kreizennan ar chadenn e-giz m'eman ar re all.
Lionel BUANNIC a oa penn gazetenner en TV Breizh araok ha marteze en deus kavet e oa diaesoc'h tapout an dud dre an Oriant eget en ur mont daveto.
Un tammig «provo» e-giz e vez laret e galleg eo ar paotr met lak a ra ar pouezh war an traou diaesan evit klask diskoulman un tammig ar c'hudennou se.
Troet eo ivez war an traou a vreman kentoc'h ha sur mat en deus c'hoant e vefe kollet gant ar vretoned memes ar sonj eus an dispriz oa bet war o sevenadur.
War dachenn ar skinwell ez eus un nebeut traou nevez all memestra.
An tour tan oa an hini kentan, en ur skignan ar cyberfestnoz hag arvestou sevenadurel pouezhus.
An hini kentan tout oa TVBreizh eveljust, met skignan a re war al loariell surtout.
Breman ez eus ivez abadennou Surla place TV, met ar re se a zo e galleg, e-giz re Armor TV hag en deus keleier boutin reoliek. Bez ez eus erfin, Le Télégramme abaoe c'hwec'h miz pe se, e galleg c'hoazh.
E brezhoneg e vez skignet hervez ar gazetenn hollvrezhoneg Ya, muioc'h eget teir eurvezh hanter a abadennou war dachenn Breizh uhel gant TVrennes35.
Adskignet e vez ganto ar Webounoz, met produet e vez ivez abadennou yaouank o spered e-giz Strak e lerc'h div blac'h a ra un tro Breizh evit kinnig deoc'h an traou ez eus moien ober e kêr-man-kêr graet gant Kalanna. Ur seurt Taratata e brezhoneg,urban Breizh hec'h anv, a vez graet ivez war dachenn ar krouin e Breizh a fed sonerezh. Ha 'benn ar fin e vez skignet ganto ar sitcom graet gant skipailhou Dizale, Pois chiche ha Pik achu, hec'h anv «Leurenn Breizh».
Kavet e vez Tvrennes35, evit ar re ne chomont ket en Il ha Gwilenn, war lec'hienn www.tvrennes35.org.
Setu tout evit hiziv. Kenavo a laran deoc'h, ha d'ur wech all ma peus c'hoant e-giz lar ar paotr Jorj Kadiou war Frans glaz-Breizh izel. Ma peus kemennadou d'ober kit war ma blog: chwezetablog-rezkebil.blogspot.com. Ma peus c'hoant da goumanantin d'am fodkast, kit war www.talkshoe.com hag ar podkast «keleier ar gwiad» (niverenn 33921 eo), ha klikit war iTunes ppe Netvibes pe anv al lenner a vez implijet ganeoc'h.

----------------
Now playing: Radio France - Hentou Treuz 20.10.2007
via FoxyTunes   

Current Location: Tregon
Current Mood: amused
Current Music: Garageband